Though the first two verses seem to be praising a superhuman figure, the third verse is almost channeling "A Man's a Man for a' That"!
The Smith's a Gallant Fireman
Wha's the King o' oor toon end and sets the lads in awe man
Wha has lassies nine or ten when some hae nane ava man
Wha can mak us daftly dance till we be like to fa' man
Whene'er the music o' his pipe is heard in cot or ha' man
Oh Rab's the man oor village smith I winner that ye speer man
Whaur hae ye been for a' yer days that that ye didna hear man
He's King o' Bar and Lord of love and Knight o' a oor Shire man
At feast or fray by nicht or day The Smith's a Gallant Fireman.
Wha can spend and spare a plack and still hae twa ahint it
Gie a fren a helpin han and never care tae mint it
Wha for honour's sacred cause and honest independence
Like steadfast rock can beer the shock o' a' the warl's vengeance
Oh Rab's the man wi' hert and han tho clad in rude attire man
Wi' strong resolve and iron nerve, nae mair he doth require man
He bends the bars o' burnin steel as ain the' were but wire man
Dependen aye upon himseel, The Smith's a Gallant Fireman.
Wha would be a lordling slave, a thing withoot a name man
Wha would beg frae ither folk what they should hae at hame man
Wha would scuaner a' their gear an' syne gie fate the blame man
The growin' grass aboon his grave, it micht turn red wi' shame man
Let folks deride and ca' it pride be it mine still to aspire man
He that winna wale the road deserves tae dree the mire man
Let honest dignity and worth oor hearts and souls inspire man
Let's honor pay where honor's due: The Smith's a Gallant Fireman.